Сайлымаш правам шуктымо шотышто эскерымаш умбакыже шуйна. Айдемын праважым аралыше-влак Йошкар-Оласе следственный изоляторыш лектын коштыныт. ️
Герман Дементьев (Марий Элысе Мер палатын председательже, республикысе Мер эскерыше комиссийын членже) да Александр Абхазилов ( Мер эскерыше комиссий председательын алмаштышыже) Йошкар-Оласе следствий изоляторышто (528 № — ан УИК) сайлымаш правам шуктымо шотышто мониторингым эртареныт.
Мероприятий жапыште участковый сайлыме комиссийын пашажым организоватлыме дене палыме лийыныт, йӱклымашым эртараш ыштыме йӧным акленыт, тыгак комиссийын членже-влак дене мутланеныт.
Изоляторышто улшо сайлымаш праван 148 граждан гыч чыланат йӱклаш кумылым ончыктеныт. Тыгодым иктыже Ульяновск областьын губернаторжым сайлымаште йӱклаш праважым кучылтын.
Граждан-влакын сайлыме праваштым шуетымо дене кылдалтше посна йодышла дене ФСИН-ын регионысо управленийжын начальникше Максим Каминский да следствий изоляторын вуйлатышыже-влак дене совещанийым эртарыме.
