Башкортостан республикын Тӱвыра министерствыже да Калык-влакын келшымаш пӧртышт, Башкортостанысе калык-влакын ассамблейышт «Мисс Содружество» этнический моторлык да усталык конкурсым эртарат.
Тушко Пошкырт кундемыште илышке тӱрло калыкын представительышт ушненыт. Нунын коклаште марий ӱдырат уло. Тиде – Мишкан район гыч Анастасия Белоусова. Ачаж ден аваже тӱвыра пашаеҥ-влак улыт, сандене ӱдыр изинек мураш да кушташ йӧрата. Кызыт шкежат тӱвыра аланыште тырша, сценыште шке мастарлыкшым кумылын ончыкта. «Вӱд толкын» фолькор ансабмльым вуйлата, самырык-шамычым марий калык йӱлам арален кодаш туныкта.
Кызыт конкурсын участникше-влаклан йӱклымаш кая. Марий ӱдырлан ойыртемалташ лудшына-шамычат полшен кертыт. Конкурсын соцкыл лаштыкше гоч тидым ышташ лиеш. А иктешлымашым 21 апрельыште финал годым ыштат. Тудо Уфа оласе ик тӱвыра оралтыште эртышаш.
Снимкыште: А.Белоусова.
Фотом конкурсын соцлаштыкше гыч налме.
