Башкортостанын Уфа олаштыже «Хранители истории» проектын Россий кӱкшытан слётын участникше-влак коклаште – Советский районысо Роҥго школын Икымшыже-влак.
Мероприятий элнан 75 регионжо гыч 500 еҥым иквереш чумырен.
Участник-влакым проектын тӱҥ направленийже-шамыч («Историй денне кылдалтше шарнымашым арален толмаш», «Почётан караул», «Самырык корреспондент-влак» да молат) дене палдарат.
Проектын тенийысе темыже Кугу Отечественный сарыште Сеҥымашлан 80 ий темме дене кылдалтын.
Г.Кожевникова
Фотом Марий Эл Образований да науко министерствын воткылысе лаштыкше гыч налме
