Россий Федераций Социальный фондын Марий Элысе пӧлкажым вуйлатыше Владимир Орехов куд Lada Granta автомобиль сравочым производствышто эмганыше еҥ-влаклан кучыктен.
Автомашина-шамычым у озаштын ойыртемыштым шотыш налын шыҥдарыме, кажнышкыже транспортым кид дене гына виктараш йӧным ыштыше адаптивный устройствым шындыме.
– У автомашина-влак землякна-шамычлан илышын шырымжым луштарыде илаш полшат. Транспорт средстве йӧсланен ошкылшо але коштын кертдыме граждан-влаклан кӱлеш верыш уто нелылык деч посна гаяк миен шуаш, медицине реабилитацийым, социальный да профессиональный адаптацийым эрташ йӧным ышта. Тыгай кугыжаныш полыш производствышто эмганыше-влаклан чолга илыш-йӱлам умбакыжат кучаш да шуко илыш йодышым решатлаш полша, – палемден В.Орехов.
Специальный автотранспорт 7 ийлан ойыралтеш. Тиде жапыште Социальный фонд машинам олмыктымо да ГСМ-ым налме роскотын ужашыжым пӧртылта, тыгак автомашинам ик гана капитально олмыктымо годым транспорт средствын акше гыч – 30 процентшым.
Ушештарена, спецтранспорт производствышто эмганымылан кӧра йол деч посна кодшо граждан-влаклан ойыралтеш. Тудын кӱлешлыкшым медико-социальный экспертизе бюро палемда.
Марий Элыште пытартыш 20 ий жапыште тыгай модификациян 225 автомобильым ойырымо.
М.ИВАНОВА
Россий Федераций Социальный фондын Марий Элысе пӧлкажын фотожо
