УВЕР ЙОГЫН

«Илаш! Йӧраташ! Ӱшанаш!»

25-27, 29-30 ноябрьыште Марий Элыште тыгай лӱман III антинаркотический форум лиеш.

Тудын дене келшышын ятыр мероприятий палемдалтын. Мутлан, 25 гыч 27 ноябрь марте Самырык-влакым военно-патриотически вияҥдыме «Авангард» рӱдерыште наркотик дене пайдаланымым шижтарыме да таза илыш йӱлам шарыме шотышто доброволец-влакын республиканский слетышт эрта. Тунемме организацийлаште пашам ыштыше педагог-психолог-влаклан 29 ноябрьыште МОСИ-ште семинар тренинг лиеш. Тиде кечынак Юл кундем кугыжаныш технологий университетыште студент-влакын наркоманийым шижтарыме нерген XI республиканский научно-практический конференцийышт онлайн йӧн дене эрта. 29 ноябрьыште М.Шкетан лӱмеш марий национальный драме театр «Короткий день», а эрлашыжым Марий самырык театр «Пять двадцать пять» спектакльым ончыктат. Тылеч посна форум жапыште ятыр моло мероприятий лиеш. Тидын нерген таче, 15 ноябрьыште, республикысе Тӱвыра, савыктыш да калык-влакын пашашт шотышто министерствыште эртыше пресс-конференцийыште радамлын палдарышт.

Л.Камалетдинова

Авторын фотожо

Опубликовать в Одноклассники

Добавить комментарий