«Икымше туныктышо» конкурсыш ушныза!
Пагалыме лудшына-влак!
Ушештарена, 2023 ийым Туныктышын да наставникын идалыкше семын увертарыме. Тудым палемдыме кышкарыште, педагог-влакын йодмышт почеш, тений икымше гана элна мучко «Икымше туныктышо» конкурсым эртараш палемденыт.
Кажне айдемын илышыштыже икымше туныктышо лийын, сандене тусо жап нерген кажнын шарнымашыже уло. «Марий Эл» газет тыланда, йолташна-влак, тыгаяк лӱман конкурсым увертара. Ушныза, шарнымашдам сералтыза да «Икымше туныктышо» конкурсыш» палемден, мыланна фото дене пырля (уло гын) otvetsekmariel2013mail.ru электрон адрес дене але, серышым возен, Россий почто гоч колтен кертыда. Кумылан-влак тыгак Вконтакте соцкылын «Марий Эл» газет – поро йолташет» группыш «сообщений» гоч колтен кертыда.
Конкурсым 2023 ий декабрьыште иктешлена, сеҥышылан – пӧлек.
