Вашке Марий Эл Республикын кандашымше созыв Кугыжаныш Погынышкыжо депутат—влакым сайлаш тӱҥалына. Тений йӱклымаш кум кече: 6,7 да 8 сентябрьыште – эрта.
Кызыт избирательный кампанийын 2-шо этапше тӱҥалын. Тудо ик тылзе –24 июнь гыч 24 июль марте – шуйна. Тиде жапыште кандидат-влакым регистрироватлаш нунын деч кӱлеш документ-влакым налыт, палдара Марий Элын избирательный комиссийже.
* * *
25 июньышто Йошкар-Олаште, Калык-влакын келшымаш пӧртыштышт, «Единый Россий» партийын Марий региональный отделенийжын 33-шо конференцийжын кокымшо йыжыҥже лийын.
Тудын пашашкыже 200 утла еҥ ушненыт. Нунын коклаште – Марий региональный отделенийын секретарьже Юрий Зайцев. Лач туштак Марий Эл Кугыжаныш Погыныш депутатыш кандидат-влак спискым ыштеныт.
Конференцийыште Юрий Зайцев палемден: «Марий Эл Республикыште «Единый Россий» виян да икоян кандидат-влак командым чумырен».
Л.Камалетдинова
