24 июньышто Марий Элын кандашымше гана чумырымо Кугыжаныш Погынжын кандашымше сесийже эртаралтын.
Заседанийым марий парламентын председательже Михаил Васютин вуйлатен. Тушто тыгак Россий Федерацийын сенаторжо – Марий Эл Кугыжаныш Погын деч представитель Сергей Мартынов, юстиций министр Евгений Маслов, регион вуйлатышын администрацийже гыч должностьышто улшо еҥ да тӱшка увер йӧнын журналистше-влак лийыныт.
Ончылгоч палемдыме паша радам дене келшышын, заседанийыште улыжат ик йодышым онченыт. Тудо «Марий Эл Республикын «Марий Эл Республикыште административный правам пудыртымо нерген» законын 19-ше статьяшкыже вашталтышым пуртымо нерген» Марий Эл Республик законын 2-шо статьяшкыже вашталтышым пуртымо нерген» законын проектше дене кылдалтын.
Пеҥгыдемдыме закон дене келшышын, Административный правам пудыртымо нерген законын должностьышто улшо да уполномоченный еҥ-влаклан мер порядке ден лӱдыкшыдымылык шотышто административный правам пудыртымылан протоколым ышташ полномочийым пуымо ужаш шотышто положенийын вийыш пурымо жапшым 2025 ий 1 июль гыч 2026 ий 1 январьыш кусарыме.
Тӧрлатымаш теве мо дене кылдалтын: административный правам пудыртымо нерген протоколым ыштыме полномочийым Россий Федераций Элгӧргӧ паша министерствылан пуымо нерген келшыкым мучаш марте ыштыме огыл. Полномочий-влакым шеледыме нерген лач тушто возымо.
Маргарита Иванова.
Марий Эл Кугыжаныш Погынын фотожо.
