2022 ий 20 сентябрь гыч 9 декабрь марте Марий Эл Тӱвыра, савыктыш да калык-влакын пашашт шотышто министерстве республик кӱкшытан «Марий Элын идалыкысе эн сай книгаже-2022» X конкурсым увертара.
Тудым С.Г.Чавайн лӱмеш Национальный книгагудо эртара. Конкурсыш республикысе, муниципальный, частный издательстве, тыгак савыктыше моло организаций ден предприятий, рӱдер, мер ушем, автор, кусарыше, книгам сӧрастарыше-влак ушнен кертыт.
Книга 2021-2022 ийыште савыкталтше лийшаш. Тыгак 2020 ийыште лекше, но «Марий Элын идалыкысе эн сай книгаже-2020» IX конкурсыш темлыдымым пуаш лиеш.
Йодмашым, книгам (тыгак рецензийым але СМИ-ште лекше йӱксавышым) 2022 ий 20 ноябрь марте С.Г.Чавайн лӱмеш Национальный книгагудыш, «Конкурсыш» манын возен, тыгай адрес дене колтыман: 424000, Марий Эл Республик, Йошкар-Ола, Пушкин урем, 28.
Конкурсыш пуымо книга мӧҥгеш огеш пӧртылталт, тудо С.Г.Чавайн лӱмеш книгагудын фондыштыжо лиеш.
Сеҥыше-влакым Марий тиште кечын саламлаш тӱҥалыт.
Йодышым тыгай телефон дене пуаш лиеш: +79021003233 (директорын алмаштышыже), +79021002440 (национальный литератур зал), +79021007577 (книга палате), +7902 100 52 62 (маркетинг пӧлка).
Г.Кожевникова