Россий Федерацийысе кыдалаш профессионал образований системыште тыршыше-влак коклаште эртаралтше «Идалыкын мастерже» всероссийский конкурсын флагшым пуымо эстафетым Марий Эл налын. Тиде торжественный тат Саранск олаште эртен.
«Идалыкын мастерже» флаг Российын чыла регионыштыжо лиеш да шке «путешествийжым» Рӱдӧ федеральный округышто мучашла, лач тушто тений 28 сентябрь гыч 2 октябрь марте конкурсын пытартыш ужашыже эртараш палемдыме.
Юл кундем федеральный округ эстафетым Йӱдвел-Кавказ округ деч налын. Тиде почётан миссийым шукташ Марий Эл гыч 2022 ийыште «Идалыкын мастерже» Россий кӱкшытан призёржо, Йошкар-Оласе сервис технологий-влак техникумын преподавательже Лала Домрачевалан (икымше радамыште шола гыч визымше) ӱшаненыт.
Г.Кожевникова
Марий Эл Образований да науко министерствын сайтше гыч налме