Таче, 15 мартыште, Россий президентым сайлыме икымше кечын, 8 шагат эрдене Йошкар-Оласе 15-ше номеран участковый избирательный комиссийым почмо годым еҥ-влакым И.С.Палантай лӱмеш тӱвыра да сымыктыш колледжын сымыктыш национальный гимназийжын йоча образцовый хоржо, марий вургемым чиен, Российын гимнжым рушла да Марий Эл Республикын гимнжым марла йоҥгалтарышт. Тиде татыште Марий Эл вуйлатыше Юрий Зайцев, республикысе правительствын еҥже-влакат лийыныт.
Л.Камалетдинова
Авторын фотожо
