14-15 сентябрьыште Марий Элыште «Танцуй и пой, моя Россия» фестивальын регионысо этапше лиеш.
Мероприятий Э.Сапаев лӱмеш Марий кугыжаныш академический опер да балет театрыште эрта. Нине кечылаште Йошкар-Олашке калык сценический искусство да классический куштымаш жанрлаште пашам ыштыше коллектив-влак чумыргат.
Регионысо этапыш ушнаш йодмашым 31 август марте пуаш лиеш. Лауреат лӱм дене палемдалтше-влак окса дене палемдалтыт, тыгак нуно 6 декабрьыште Кугыжаныш Кремль Дворецыште элнан чапланыше коллективше-влак дене ик сценыште шке мастарлыкыштым ончыктат.
Любовь Камалетдинова
Д.Речкинын фотожо
