УВЕР ЙОГЫН

Эскерыше-влакын кокымшо всероссийский конгрессышт

Москваште Эскерыше-влакын кокымшо всероссийский конгрессышт пашам мучашлен. Тушко Российысе чыла 89 регионжо гыч юрист ден политолог-влак  чумыргеныт. Нуно эртыше сайлымаш кампанийым акленыт да мер контроль институтын вияҥме ончыкылыкшым каҥашеныт.

Форумын тӱҥ иктешлымашыже иктешлыше пленарный сессийыште йоҥгалтше позиций лийын: «Конгрессын участникше-влак аклымаште икоян лийыныт: лач пеҥгыде контроль да эскерымаш эртыше сайлымаште нарушенийым ышташ эрыкым пуэн огытыл».

РФ Мер палате пеленысе Йӱклымашым тергыме шотышто Координационный советын сопредседательже, НОМ ассоциацийын исполнительный директоржо Алексей Песков палемден, кызытсе эскерыше ушем йӱклымӧ кечылаште веле огыл пашам ышта.

РФ Общественный палатын площадкыштыже Марий Элысе Мер эскерымаш региональный штабым вуйлатыше Евгений Кузнецов ден штаб вуйлатышын алмаштышыже, РФ Общественный палатын членже Роман Золотухин лийыныт.

«Марий Элыште,  уло эл семынак, эртыше сайлымаш кампаний  закон почеш эртен да вошткойшо  лийын. Эскерышына -влак ик механизм семын пашам ыштеныт, провокаций лийын кертмым тӱҥалтыштак чареныт», — палемден Евгений Кузнецов.

«Мутат уке, Российыште, ик эн правовой да вошткойшо сайлыме системе, но жапын ӱжмашыже да, чаманен каласаш логалеш, тушман -влакын шылтыкышт мемнам легитимаций да легализаций процессым умбакыже шуяш тарата», — ешарен Роман Золотухин.

Снимкыште: Роман Золотухин ен Евгений Кузнецов.

Марий Элысе Мер эскерымаш штабын фотожо. 

Добавить комментарий