Педагогын да наставникын идалыкшым да «Идалыкын студентше» Россий национальный премийлан 10 ий теммым палемдыме кышкарыште И.Н.Ульянов лӱмеш Ульяновскысо кугыжаныш педагогический университетыште «Идалыкын студентше. Педагог-влак» премийын специальный трекшын очно эртыше йыжыҥже лийын. Тушто Марий Элын чапшым ныл студент арален, нунын кокла гыч иктыже сеҥышыш лектын.
Тиде – Оршанкысе И.К.Глушков лӱмеш шуко профилян колледжыште тунемше Дарья Пунгина (снимкыште). Тудо конкурсын «Школ деч ончычсо образованийын педагогшо» номинацийыште эн уста лийын.
Финалыште Российын 32 регионжо гыч 100 ончыкылык туныктышо моштымашым терген. Нуно шкешт дене палдарыше презентацийым ончыктеныт, туныктымо мастер-классым эртареныт, урок деч ӧрдыжсӧ мероприятийым араленыт, кейсым решатленыт.
Г.Кожевникова
Фотом Марий Эл Образований да науко министерствын сайтше гыч налме
