Тиде кечылаште республикыште регион-влак кокласе «Профессионал-влак» чемпионат эртен.
Тушто Российын 11 регионжо гыч да Беларусь республик гыч кыдалаш профессионал образованийым пуымо тунемме верла гыч участник-влак моштымашым ончыктеныт: бензомотор пилам поген-ронченыт, пырням пӱчкыныт, пушеҥгым йӧртеныт, укшлам пӱчкеденыт, икымше полышым пуэны, а конкурсын пытартыш кечынже электростанокышто бензопилан цепьшым шуменыт. Чыла тидым чын веле огыл, тыгак писын ышташ кӱлын. Элнан могай кундемыштыже чодырам эн мастарын йӧрыктен моштат – сеҥыше-влакым таче увертарат.
Г.Кожевникова
Фотом Марий Элын СПО-жын соцкылысе лаштыкше гыч налме
