Республиканский клинический больницыште операционный блоклаште, хирургический, анестезиологий да реанимаций отделенийлаште пашам ыштыше медсестра-влаклан «Хирургический полышым пуымо годым лÿдыкшыдымö эмлымвер» регион кÿкшытан конференций эртен.
У коронавирус инфекцийын шарлымыж жапыште медицине организаций-шамыч пациент-влаклан плановый полышым пуымым чарненыт да кызыт ончычсо паша радамышкышт угыч пöртылыт. Тыгодым лÿдыкшыдымылык йодышын пÿсын шогалмыжым умыленыт. Чыла тидым шотыш налын, медик-влак операционный блокышто, анестезий да реанимаций отделенийыште медицине оборудований дене пайдаланыме годым лÿдыкшыдымылык техникын правилже-шамычым пеҥгыдын шукташ кÿлмö, операционный отделенийыште пожар лÿдыкшыдымылык, медсестра-анестезист-шамычын пашаштышт тазалыклан зияным ыштен кертше физический да химический фактор-влак, парэнтеральный инфекций деч аралалтме да медицине манипуляцийым эртарыме годым аварий ситуацийыште медперсоналын эн ончычак мом ыштышашыже, медицине арвер ден эмлыме средствым контрольышто кучымо, COVID-19 дене черланыше пациентлан операцийым ыштыме ойыртем нерген эше ик гана ушештарен ойленыт.
Конференцийыште Медсестра-влакын россий ассоциацийыштын «За верность профессии» чап знакшым РКБ-ын операционный медсестраже И.Чекулаевалан, Перинатальный рÿдерын медсестра-анестезистше Н.Стрельчуклан, Йошкар-Оласе городской больницын медсестраже З.Вершининалан, Республиканский онкологический диспансерын кугурак медсестраже Л.Уткиналан, Волжск оласе рÿдö больницын тÿҥ медсестраже Е.Филипповалан кучыктымо.
М.ИВАНОВА
