Республикын тӱвыра, савыктыш да калык-влакын пашашт шотышто министерствыштыже «Шочмо элнам аралышын образше – самырык сӱретче-влакын пашаштышт» всероссийский выставке-конкурсын регионысо этапше эртен.
Тушко йоча художественный школ, йоча сымыктыш школла гыч художественный пӧлкаште тунемше, тыгак республикыште кыдалаш профессиональный образованийым пуышо организаций-влакын студентышт ушненыт.
«Живопись» номинацийыште Айгуль Сафиуллина (Марий Турек йоча сымыктыш школ), Варвара Толочманова, Степан Марков (Волжск оласе художественный школ), Елизваета Золотых, Артём Пильщиков (Йошкар-Оласе художественный училище) ойыртемалтыныт. «Графика» номинацийыште Валерия Васильеван (Волжск оласе художественный школ) пашажым эн сайлан шотленыт.
Сеҥыше-влак конкурсын федерал кӱкшытан йыжыҥыштыже моштымашым ончыкташ тӱҥалыт.
Алевтина БАЙКОВА ямдылен
