«Единый Россий» партийын Калык программыж дене келшышын Марий Элыште «Таза республик» проект илышыш шыҥдаралтеш. Тиде проектым Марий Эл вуйлатыше Юрий Зайцев темлен.
Кодшо каныш кечылаште тазалыкым верыш лектын тергыме мобильный пункт Йошкар-Олаште шке пашажым умбакыже шуен. Тиде гана тудо Тӱвыра да каныме рӱдӧ паркыште верланен. Волонтёр-медик ден медицине специалист-влак кумылан-шамычлан экспресс-тергымашым эртареныт. Тылеч вара кажныштлан «Тазалык дневникым» кучыктеныт.
Пунктын пашашкыже «Йошкар-Ола» ола округын Депутат-влак погынымашыжын депутатше Дмитрий Денисов ушнен.
Любовь Камалетдинова
