Мер полыш штабыште ,,Единый Россий,, партийын регионысо пӧлкажын секретарьже, Марий Эл вуйлатыше Юрий Зайцевын вуйлатымыж почеш оргкомитетын иктешлыше заседанийже эртен.
Заседаний деч вара Юрий Зайцев ончылгоч йӱклымаште сеҥыше-влак дене вашлийын.
— Марий Элыште илыше-влак келшен толшо, кӧлан ӱшанат, кӧ республикым да пӱтынь элым вияҥдышаш верч уло чонжо дене йӱла, тугай кандидат-влакым ойырен налыныт, — палемден республикым вуйлатыше.
Процедурышто сеҥыше-влак коклаште Кугыжаныш Думын депутатше Александр Борисов ден Кугыжаныш Погынын депутатше Наталья Козлова улыт. Регионысо отделенийын секретарьже сеҥыше-влакым саламлен да палемден: йӱклымашке шуко еҥын ушнымыжо — тиде аванс. Тудо кугу тыршымашым йодеш.
