Кугыжаныш Погынын депутатше, «Марий Элысе профсоюз организаций-влакын объединенийышт» ушемын председательже Александр Майоров «Единый Россий» партийын ончылгоч йӱклымашкыже документым пуэн.
Угыч ты постышкак сайлымаш тудым пагалымашым да чапше кӱшнӧ улмым, коллегыже-влакын ӱшаныштым ончыкта.
– Ончылгоч йӱклымаш – тиде еҥ-влак дене чон почын мутланымаш. Элнан кӱшыл законодательный органыштыже улшо йодышыштым палдараш нунын кӧлан ӱшанымыштым йодман. Марий Эл ден Россий верч тыршаш мыйын программем уло, вий-куатем сита, – каласен Александр Майоров.
Ушештарена: предварительный йӱклымаш май мучаште эрта. Кугыжаныш Думыш сайлымаште «Единый Россий» деч кандидат лияш кӧ сулымым лачшымак республикыште илыше-влак палемдат.
Любовь Камалетдинова
