МЕДИЦИНЕ

Докторым вученда?

Марий Элын Тазалык аралтыш министерствыже Тазалык кечым эртарыме графикым ямдылен. Тудын дене келшышын, республикнан тӱрлӧ кундемыштыже тыгай мероприятий-влак эртаралтыт.

5 апрельыште Звенигово районысо рӱдӧ больницын врач-специалистше-влак: дерматолог, кардиолог, окулист, акушер-гинеколог, отоларинголог, невролог, хирург, эндокринолог – Кокшайск врачебный амбулаторийыш мият да верысе калыкын тазалыкшым 8.30 гыч 13.00 марте тергат.

8 апрельыште 8.00-12.00 шагат жапыште Йошкар-Оласе 1-ше №-ан поликлиникын врач-специалистше-влак пациент-шамычым диспансеризаций да профосмотр кышкарыште приниматлат.

11 апрельыште Республиканский клинический больнице гыч гинеколог, гастроэнтеролог, нефролог да оториноларинголог Козьмодемьянск район-влак кокласе больницыш мият да тушто 10.15 гыч 13.00 шагат йотке пашам ыштат.

18 апрельыште Медведево районысо рӱдӧ больнице гыч терапевтым, кардиологым, эндокринологым да дерматологым ушышо врач-шамычын бригадышт Силикатный врачебный амбулаторийыште пациент-влакым 9.00 гыч 13.00 шагат марте приниматлат.

20 апрельыште Шернур районысо рӱдӧ больницын поликлиникыштыже терапевт, онколог, кардиолог, гинеколог да дерматолог 8.00 гыч 17.00 шагат йотке пашам ыштат.

25 апрельыште Оршанке районысо рӱдӧ больницын терапевтше ден неврологшо Тошто Крешын фельдшер-акушер пунктыш мият да ял калыкын тазалыкшым 9.00 гыч 12.00 шагат марте тергат.

26 апрельыште Волжск оласе рӱдӧ больницын терапевтше Пӧтъял фельдшер-акушер пунктышто пациент-шамычым 9.00 гыч 14.00 шагат  йотке приниматла.

Врач-специалист-влакын приёмышкышт тарваныше пациент-шамычлан пелен паспортым, медицине страхований полисым да СНИЛС-ым налаш темлалтеш.

М.ИВАНОВА

 

 

 

Опубликовать в Одноклассники

Добавить комментарий