Йошкар-Оласе 32-шо №-ан школ директорын алмаштышыже Андрей Фещуков «Быть, а не казаться» Россий кӱкшытан конкурсын отборочный йыжыҥышкыже лектын.
Наставник-влаклан конкурс самырык тукымлан чын корным ойыраш да патриотизм шӱлышым вияҥдаш полшаш виктаралтын.
Тений тушко элна гыч 70 тӱжем йодмаш пурен, нунын кокла гыч эн виянже «Идалыкын наставникше» лӱм вер таҥасаш тӱҥалеш.
Андрей Фещуков школ директорын алмаштышыже веле огыл, тудо казак класс-влакын кураторжо. Туныктышо ӱдыр-рвезе-влаклан патриотизм шӱлышым шыҥдарыме дене кылдалтше кугу пашам ышта.
Г.Кожевникова
Фотом школын соцкылысе лаштыкше гыч налме.
