Марий Элын Калык илышым саемдыме шотышто министерствыжын увертарымыж почеш, 2022 ий 1 июль гыч тылзе еда пӧртылтымӧ окса компенсацийын суммыжым калыклан коммунал услугым ыштыше организаций-влакын вашталтше тарифыштым шотыш налын шотлен луктыт.
Марий Элыште федеральный ден региональный льготник-влаклан (Кугу Отечественный сарын инвалидше ден участникше-шамычлан, тыгак нунын тулыкеш кодшо пелашышт ден ача-аваштлан, «Жителю блокадного Ленинграда» знак дене палемдалтше, радиацийыш, политический репрессийыш логалше граждан, инвалид, инвалид йочан еш, пашан ветеранже, шуко шочшан еш-влаклан) илыме вер ден коммунал услугылан тӱлымышт шотышто тылзе еда окса компенсацийым пӧртылтымӧ сынан социальный полыш ойыралтеш. Тудын кугытшо илыме вер ден коммунал услугылан, илыме верын чумыр кумдыкшылан (коммунал пачерлаште – айлыме илыме кумдыклан), илыме верысе кумдыкын социальный нормыжлан, коммунал услуго дене пайдаланыме кугытлан (шотлышо приборышто ончыктымо але норматив гыч) пеҥгыдемдыме тариф гыч вийыште улшо закон дене келшышын палемдалтеш.
2022 ий 1 июль гыч тылзе еда пӧртылтымӧ окса компенсацийын суммыжым калыклан коммунал услугым ыштыше организаций-влакын вашталтше тарифыштым шотыш налын шотлен луктыт. Кӱшнӧ палемдыме граждан-влаклан социальный аралымаш органлашке нимогай ешартыш документым намияш огеш кӱл.
М.ИВАНОВА
