СОЦИАЛ ИЛЫШ

Чылалан почмо

Регион-влакын бизнесышт ден коммерческий огыл организацийыштым «Открыто для всех» инклюзивный практикын отборышкыжо ушнаш ÿжыт.

Стратегический тÿҥалтыш-влакын агентствышт инклюзивный бизнесын сообществыжым ыштымашке виктаралтше «Открыто для всех» всероссийский проектым илышыш пурташ тÿҥалмыж нерген увертарен. Проектын тÿҥ ужашыже – Национальный инклюзивный ойпидыш. Тушко инвалидностян еҥ-шамычлан сатум, услугым да сервисым налын кертме йöным саемдаш кÿлмö дене келшыше чыла компаний ушнен кертеш.

«Российыште инвалидностян 11 миллион еҥ пашам ышташ, чолга илыш йогынышто лияш ямде, но тидлан келшыше йöн кÿлеш. Лач тыште бизнес полшен кертеш. Окса дене веле огыл, эн ончычак – культурым вашталтыме дене. Начар тазалыкан еҥ-влаклан пашам пуымо, сай илышым ыштыме теме тренд лийшаш», – манеш РФ президентын общественный проект-влак шотышто виктемжын начальникше, проектын оргкомитетшын председательже Сергей Новиков.

Национальный инклюзивный ойпидышым ыштыме деч вара компаний начар тазалыкан еҥ-влаклан идалык жапыште сатум, услугым але сервисым ситарышаш, тыгак инклюзивный практикым илышыш пуртымаште але илышлан келыштарыме участвоватлышаш.

Кызыт инклюзийым чыла сферын пашашкыже шыҥдарымашке виктаралтше политикым ятыр компаний илышыш пурта, Мутлан, Сбер инвалидностян чыла клиентшылан шуко сай услугым ямдылен да илышыш пурта. Шке сервисше-влакым тыгай еҥ-шамычлан келыштарыме кугу пашам VK социальный кылат шукта.

Агентстве йодмаш-влакым «Смартека» платформышто вич номинаций дене налеш:

  • универсальный дизайн: чыла еҥлан пайдаланаш келшыше арверын, обстановкын, программын да услугын дизайнышт;
  • импакт: инвалидностян еҥ-шамычлан общественный сферыште сай йöным ыштымаш;
  • корпоративный политике: компаний-шамычын инвалидностян еҥ-влаклан келшыше пашам ыштымашке виктаралтше инклюзивный организационный да социальный культурышт;
  • инклюзивный лидерстве: инвалидностян еҥ-шамычын чаракдыме йырвелым, сатум да услугым ыштыме шотышто практикышт;
  • инклюзивный шинчымаш: инвалидностян еҥ-влак дене пашам ыштыме шотышто педагог ден специалист-влакым ямдылымаш, нунын компетенцийыштым рашемдыме да вияҥдыме сервис.

Проект нерген тичмаш уверым открытодлявсех.рф ссылке дене муаш лиеш.

М.ИВАНОВА

Опубликовать в Одноклассники

Добавить комментарий