Тыгай спектакль дене 26 сентябрьыште Марий самырык театр черетан тургымжым М.Шкетан лӱмеш Марий национальный драме театрын сценыштыже почеш.
Пьесын авторжо – Марий Эл искусствын сулло деятельже, драматург Геннадий Гордеев. Тудым автор Юрий Артамоновын «Чодыра юзо» повестьше негызеш возен. Постановкым самырык режиссёр Эрвина Гордеева сценыш луктеш.
Пьесым возаш авторым мо таратен? Ты паша режиссёрлан куштылгын пуалтын мо? Нине да моло нерген Эрвина ден Геннадий Гордеевмыт дене мутым вашталтышым.
Кундыш кугыза деке миен
– Геннадий Филимонович, повесть негызеш пьесым возаш шонымашда кузе шочын?
– Кум-ныл ий ончыч «Марий Эл» газетын тӱҥ редаторжо Александр Абдулов Артамоновын «Чодыра юзо» повестьше негызеш пьесым возаш гын, оҥай лиеш ыле» манын. А мый тиде произведенийым ала мыняр ий ончыч лудынам да мо нерген каласкалалтмым тӱтырала шарненам да эше ик гана лудын лектым. Повесть пеш келшыш. Юрий Михайлович Овда илышым веле огыл келгын почын пуа, кундемнан историйже нерген келге материалым темла. Адакшым тудын возымо йылмыже пеш куштылго, поян. Тыге инсценировкым возаш кумылаҥым. Но тудым инсценировко семын веле сценыш лукташ гын, шонем. спектакль йокрокрак лийын сеҥа. Вет прозо драме огыл, прозышто тӱҥ верым авторын каласкалымашыже налын шога, а пьесе пӱсӧ конфликтым, тура савыртышым йодеш. Тыге инсценировко семын возымем иктаж кок ий кийыш, а вара Юрий Михайловичын шочмыжлан 85 темме пагыт лишемме семын произведенийлан угыч пижым да ындыжым инсценриовко негызеш пьесымак возышым. Каласаш кӱлеш, Юрий Артамонов – пагалыме да йӧратыме писатель, кугу прозаик, тудо мыйын творчество корныштем, манаш лиеш, икымше туныктышем. 1981 ийыште «Ончыко» журналыште икымше гана «Вучыдымо увер» ойлымашем савыкталте. Юрий Михайлович тудым вияҥдаш полшен, сандене кызыт возымо пьесе лӱмлӧ писательым шарныме лӱмеш пеш сай порыс.
– Овда илышым почын пуа манын каласышда. А тымартеже Овдан илышыже тыланда палыме лийын мо?
…… Умбакыже материалым газетыште лудса…
А.БАЙКОВА
Фотом театрын архивше гыч налме
