Ты олаште Финн-угор калык-влакын ассоциацийыштын президиумжын заседанийже эрта.
Республике гыч тушко Марий Эл Кугыжаныш Погын председатель Михаил Васютин, Российысе марий-влакын калыкле-тӱвыра автономийыштым вуйлатыше, Кугыжаныш Погын председательын икымше алмаштышыже Лариса Яковлева да Оньыжа, Кугыжаныш Погын депутат Эдуард Александров каеныт.
Лариса Николаевнан шке воткыл лаштыкыштыже увертарымыж почеш, тушко мийымеке, нуным сюрприз вучен: олаште илыше марий-влак кинде- шинчал дене вашлийыныт. Марийже тушто 3 тӱжем наре улыт.
Светлана Носова
Снимкыште: Марий Эл гыч мийыше делегаций Челябинскыште вашлийше марий-влак дене пырля.
Фотом Лариса Яковлеван воткыл лаштыкше гыч налме.
