Республикысе Юмыйӱла ушемын Марий Турек районысо «Марий кумалтыш» общиныжын тӱҥ онаеҥже Григорий Ивановым Марий Эл правительствын Чап грамотшо дене палемденыт.
Правительственный наградым регион вуйлатыше Юрий Зайцев районын 100 ияш лӱмгечыжым торжественно палемдыме годым шкежак кучыктен. Серафим Григорьевич ятыр ий общиным веле огыл вуйлата. Тудын тыршымыж дене посёлкышто Марий кумалтыш пӧрт ышталтын. Тушто калык илыш йӱла дене палдарыше тоштерат уло. Ты жапыште кумалтыш пӧрт районысо марий мер еҥ-влакын тӱшкан погынымо верышкыже савырнен. Общине туризм пашамат сайын вияҥден колтен кертын.
С.Носова
Снимкыште: наградым кучыктымо годым.
Фотом Марий юмыйӱла ушемын лаштыкше гыч налме.
