Марий Эл вуйлатыше Юрий Зайцев Ленинград блокаднице Альбертина Дмитриевалан Медведево муниципал районын Почетный гражданинже удостоверенийым кучыктен.
«Президент Владимир Владимирович Путинын тӱҥалтышыж почеш пунчалым лукмо ыле – Кугу Отечественный сарын ветеранже, блокадник-влаклан кызыт илыме населенный пунктын Почетный гражданинже чап лӱмым пуаш. Удостоверенийым ямдылыме, тушто ынде Медведево муниципал районын Почетный гражданинже улда манын ончыктымо», – Марий Эл вуйлатыше Альберина Ивановнам саламлен.
Альбертина Дмитриева 1939 ийыште Ленинград олаште шочын. Кум ияш улмыж годым ача-аваже олам блокадыш налме годым коленыт. Ӱдыр йоча пӧртыш логалын да моло ака-шӱжарже дене кылым йомдарен. Шуко ий гыч гына нунын дене вашлияш пернен.
Денис Речкинын фотожо
