Россий Минстройын увертарымыж почеш, Волжскышто оласе больницын азам ыштыме у отделенийжым почаш ямдылат. Оралтым Марий Элым социально-экономически вияҥдыме индивидуальный программын кышкарыштыже чоҥымо.
Тиде программынак полшымыж дене 2021 ийыште Марий Элыште корно да инженер инфраструктурын куд у объектшым чоҥымо. Ты шотышто Йошкар-Олаште Ураев бульварым да Звениговышто канализаций да насос станцийым палемдаш лиеш.
«Кызыт эше вич объект чоҥен шуктымо тӱрлӧ йыжыҥыште улыт. Проект-шамыч коклаште – Волжск оласе больницын азам ыштыме пӧртшын кызытсе жаплан келшыше у зданийжат. 50 веран у отделений 50-ше ийлаште чоҥымо да кызытсе медицине тӧнежын йодмашыжлан келшен толдымыш савырныше тошто корпусым алмашта», – увертара Российын чоҥымо паша да илыме-коммунал озанлык министржын алмаштышыже Юрий Гордеев.
М.ИВАНОВА
