Общероссийский калык фронтын Марий Элысе региональный пӧлкаже штурмовик-влаклан «буханке»-реанимобильым кычалеш.
Эртыше кечылаште Калын фронтын регионысо штабышкыже штурмовик-шамычын ик отрядышт гыч фельдшер Александр лектын. Военный медик специальный военный операцийым эртарыме кумдыкышто лӱйкалымаш гыч сусыргышо сарзе-влакым лукташ УАЗ-«буханке» шотан реанимобильын моткочак кӱлмыж нерген ойлен.
«Таче мыланна сусыргышо сарзе-шамычым бронироватлыме техникыш икмыняр гана кусарен шындаш логалеш. Тудо моткочак кугу йӱкан, да тушман мемнан ваштареш тулым почеш. Сарзе-влакын илышыштым арален кодаш мемнан «буханкына» гай машина кӱлеш. Ме тудым Луганскыште верысе калык деч налынна ыле, но автомобиль келшыдыме лийын да строй гыч пеш вашке лектын. Весыже йӱлен, кумшыжо шӱйын. Икманаш, штурмовой отрядлан реанимобиль дене полшен кертыда гын, моткочак тауштена ыле», – манын военный врач.
Кызыт Марий Элысе Калык фронт медицине спецтехникым мумо шотышто тӱрлӧ йӧным кычалеш. Тыгай машинам авторынкыште налаш куштылгыжак огыл, сандене ӱшан медицине организацийлам вуйлатыше-шамычлан веле кодеш. Сарзе-влаклан автотранспортым ойыраш йӧнда уло гын, 8(8362)45-51-70 номеран телефон дене йыҥгыртыза.
М.ИВАНОВА
Фотом интернет гыч налме
