Республикысе «ИНТЕЛЛЕКТУАЛ» тӱвыра-увер рӱдер «Шочмо йылме авай дене пырля» у проектым илышыш пурта.
Тушко марий йылме дене мутланыше але мутланаш шонышо ава-влак 3-7 ияш йочашт дене пырля ушнен кертыт.
Программе почеш теве мо эртаралтыт: этнопсихолог да педагог дене занятий, кидпаша дене мастер-класс, конкурс-влак, ӱстел йыр погынен модмаш, сылнымут-сылнысем унагудо да молат.
«Шочмо йылме авай дене пырля. Родной язык с мамой» проектым палемдыме рӱдер 2022 ийыште регион кӱкшытан СО НКО грант конкурсышто сеҥыше семын илышыш пурта. Тудлан «Поро Марйи Эл» верысе организаций ден Президент грант-влак фонд полшат.
Кумылан-влак 89991453876 (Эльвира) телефон номер дене йыҥгыртен кертыт.
Г.Кожевникова
