16 майыште Морко район Унчо селаште икымше гана «Апакай лудмаш» регион-влак кокласе сылнымут да сем фестиваль-конкурс лиеш.
Тудо Унчо кундемын чолга эргыже, СССР-ын сулло связистше, мер пашаеҥ, поэт, писатель Валерий Апакаевын шочмыжлан 85 ий теммылан пӧлеклалтын.
Участник-влак икмыняр номинацийыште мастарлыкым ончыктен кертыт:
– Валерий Апакаевын произведенийжым рушла але марла лудмаш;
– авторский произведенийым автор але вес участникын лудмыжо;
– Валерий Апакаевын произведенийже негызеш ямдылыме сылнымут композиций;
– Валерий Апакаевын мутшылан возымо муро;
– авторский муро.
Йодмашым 12 май марте тыгай электрон адресыш колтыман: apakaev.chtenie@mail.ru.
Алевтина БАЙКОВА
