Марий Элыште кум аварийно-лӱдыкшӧ корно участкыште камерым вераҥденыт.
Ик фотовидеофиксаций комплекс «Йошкар-Ола – Данилово» корнын 2-шо километрыштыже пашам ышташ тӱҥалын. Тыште пытартыш ийлаште шагал огыл корно туткар лийын. Эмганыше-влакат вашлиялтыныт.
Кокымшо комплексым «Волжск – Кӱсола» кугорнын 5-ше километрыштыже вераҥденыт. Туштат кугу ДТП шуэн огыл лиеден.
Тыгак камер-влакым Медведево поселкышто йолешке-влакын ик эн шукын коштмо корнылаште сакеныт.
Марий Элысе МВД-н ГИБДД управленийыштыже палемдыме почеш, чыла данный-влак ЦАФАП-ыш (Центр автоматизированной фиксации административных правонарушений) колталташ тӱҥалыт. Тений идалык тӱҥалтыш гыч нине фотовидеофиксаций комплексла гыч пурышо данный-влак почеш 68 тӱжем утла административный материалым чумырымо.
Л.Камалетдинова
