Республикыштына «Кадр» национальный проектын кышкарыштыже профессийлан тунемаш да ешартыш профессиональный образованийым налаш йӧным ыштыме.
Тидын нерген йодмашым «Работа в России» порталын официальный сайтыштыже https://trudvsem.ru/information/pages/support-employment пуыман.
Ты гана тыгай направлений-влакым темлыме:
- туризм шотышто агент;
- унагудын администраторжо;
- инвалидым але илалше еҥым ончаш полшышо;
- БПЛА оператор;
- 1С разработчик;
- предприятийын экологшо;
- Windows системный инженер;
- организацийыште нейросетьым шыҥдарыше да кучылтшо;
- предприятийыште увер лӱдыкшыдымылыкым эскерыше;
- веб-приложенийын да лендингын UI-дизайнышт;
- социокультур задачылан искусственный интеллектым кучылтын шуктымо цифровой решений;
- образованийыште искусственный интеллект системын пашаж шотышто специалист;
- увер базе да SQL-йодыш дене специалист;
- капкыл культур да спорт шотышто инструктор-методист (СВО ветеран-влаклан гына).
Программын участникше-влак деч тӱҥ йодмаш – паша верым арален кодаш але тунемын пытарыме деч вара пашаш пураш. Тиде шот дене участник курсышто тунемаш тӱҥалмыж деч ончыч «Работа в России» порталыште пашам пуышо дене пашаш налме нерген ойпидышым ышта.
Профессийлан тунемме да ешартыш профессиональный образованийым налме нерген радамынрак илыме верысе Калыклан пашам ситарыме рӱдерыште пален налаш лиеш.
Маргарита ИВАНОВА.
