«Пашан айдемыже» калыкле премийлан йодмашым налаш тӱҥалме.
Тудым «Пашан айдемыже» толкын ден «Единый Россий» партий «Шкендыным ойырен нал» федерал проектым илышыш пуртымо кышкарыште учредитленыт.
Премийын лауреатше производствышто сай велым ойыртемалтше самырык специалист, инженер, технологий лидер, изобретатель, наставник, паша династий, ветеран, Ветеран совет да тичмаш предприятий ден организаций-влак лийын кертыт.
Номинаций-шамыч тыгай улыт:
«Технологий лидер» – производствышто инновацийым пуртышо да куатым кугемдыше-влаклан;
«Эн сай наставник» – шке шинчымаш дене палдарыше да самырык специалист-влаклан профессионально кушкаш полшышо-шамычлан;
«Самырык специалист» – сай пашалан тӱҥалтышым ыштыше, шке сферыште сеҥымашке шушо 18-35 ияш еҥ-шамычлан.
Премий кок йыжыҥ дене эрта: ончыч – регионлаште, вара – Москвасе БИОТ-2025 ончерыште (финал).
Маргарита ИВАНОВА
