Марий Эл гыч 8 тунемшылан «Артек» тӱнямбал йоча рӱдерын «Кипарисный» лагерьыш путёвкым яра пуэныт.
Нуно тушто 28 май гыч 17 июнь марте канаш тӱҥалыт.
Ушештарена, Россий Просвещений министерстве образований системыште Йоча канышын идалыкше семын увертарыме. Марий Элыште «Артек» 2025 ийлан тӱнямбал йоча рӱдерыш 88 путёвкым ойырымо.
Квото да направлений дене конкурс отборым Йоча да самырык-влаклан «Роза ветров» рӱдер ышта. Лекше йодышым 8(8362) 64-39-90 телефон дене йыҥгыртен рашемдаш лиеш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
