Кугыжаныш Погын председатель Курыкмарий районышто сайлыше-влакын наказыштым шуктымо дене палыме лийын.
15 сентябрьыште Михаил Васютин Микрӓк селаште Рӱдӧ уремысе шуко пачеран 58-ше №-ан пӧрт кудывечым тӱзатымылан тӱткышым ойырен. Проект дене келшышын, тыште жаплан келшыше йоча модмо площадкым ышташ палемдыме. Эн ончычак ты кумдыкым эрыктыме да мланде дене кылдалтше пашам шуктышаш улыт. Тылеч вара тӱзатышашлан материалым налыт да оборудованийым вераҥдат. Объект шотышто паша кузе кайыме дене Курыкмарий район администрацийым вуйлатыше Сергей Першуткин ден Кугыжаныш Погынын депутатше Сергей Ильин палдареныт.
– Сайлыше-влакын наказышт – тиде еҥ-влакын йодмашышт. Ме нуным шуктышаш улына. Лачшымак тиде паша гоч кучем кажне еҥым колеш. А наказ-влак негызеш лукмо пунчал-влак селалаште да олалаште илышым чынже денак йӧнаным ыштат, – палемден Михаил Васютин.
Любовь Камалетдинова
