Республикыштына 41 тӱжем утла еҥ электрон йӧн дене дистанционно йӱклаш кумылым ончыктен.
19 августлан налмаште 18, 19, 20 сентябрьыште эртараш палемдыме сайлымашыште Марий Элыште илыше 41149 еҥ электрон йӧн дене дистанционно йӱклаш йодмашым пуэн.
Дистанционно электронно йӱклымаш (ДЭГ) шке йӱкым мӧҥгӧ гыч лекде, сайлыме участкыш толде пуаш йӧным ышта, да республикысе калык утларакше йӱклымӧ тиде форматым ойырен налеш.
Электрон йӧн дене дистанционно йӱклымӧ нерген йодмашым Кугыжаныш услуго порталыште 14 сентябрь йотке налыт, палемда Марий Элын Сайлыме комиссийже.
Маргарита ИВАНОВА.
