«Мари» сийгудо 2ГИС геосервисын тӱнямбал премийже дене палемдалтын.
Ты проектыште еҥ-влакын кошташ йӧратыме ик эн популярный верлажым тӱрлӧ номинацийыште палемдат: ресторан, кафе, стритфуд, кофейня, кондитерский ден бар-влакым.
Йошкар-Олаште тыгай наградым 5 ресторан, 5 бар, 5 кафе, 3 кондитерский, 5 кофейня ден 5 стритфуд налыныт. Ииктыже – «Мари» сийгудо.
Ойыртемалтше-влакым палемдыме годым организатор-влак клиент-шамычын аклымыштым, профильыште тичмаш увер ден фотографий ситышын улмым да чолгалыкыштым шотыш налыныт. Марий кафен воткыл лаштыкше чыла шотыштат премийлан келшен толын.
Фотом сийгудын воткыл лаштыкше гыч налме.
