Кодшо кечылаште Козьмодемьянскыште Юл эҥерыш, кокла шот дене налаш гын, 3 грамм нелытан 5 тӱжем утла сӱгыгол игым колтеныт.
Эҥерым кол дене пойдарыме паша экосистемын биологий поянлыкшылан да тудын илыме кумдыкшылан Козьмодемьянскысе портын да «Бункер» ООО-н озанлык пашам ворандымыштлан кӧра ыштыме эҥгекым компенсироватлыме амал дене эртаралтын. Колжым Покровский кол питомникыште ончен куштеныт.
Снимкыште: Юлыш теве тыгай колым колтеныт.
Росрыболовствын Юл-Чолман управленийжын воткыл лаштыкше гыч налме.
