Диплом
Шинчымашым да опытым
«Рӱдӧ да Юл кундем Россеть» ПАО-н «Мариэнерго» филиалжын энергетикше-влак Йошкар-Оласе технологий колледжын выпускникше-влакын пайремыштышт лийыныт.
Нуно «электроснабжений» специальность дене шинчымашым налше-влакым тунем пытарымышт дене саламленыт, дипломым кучыктеныт да пашаште сай тӱҥалтышым тыланеныт.
Дипломым налше выпускник-влак жапын йодмашыжлан келшыше программе почеш тунеммашым эртеныт, теорий шинчымашым погымо дене пырляк электроэнергетикыште пашамат ыштен шуктеныт. Нунын кокла гыч шукышт «Мариэнергошто» практикым эртеныт, могай-гынат опытым погеныт.
«Мариэнерго» филиал регионысо тунемме учрежденийла дене пырля пашам ышта, студент-влаклан шинчымашым да опытым пуэн шога. Тидыже образований ден производство коклаште кылым пеҥгыдемдымашке, энергетике отрасльыште пайдалын ыштен кертше кӱкшӧ квалификациян пашаеҥым ямдылымашке виктаралтын», – каласен филиал директор Сергей Хлусов.
Юрий ИСАКОВ.
Снимкыште: выпускник-влаклан дипломым кучыктымо.
Фотом «Мариэнергон» пресс-службыж деч налме.
