Республикысе Марий тӱвыра рӱдеын пашаеҥже-влак Оршанке районысо Чирки ялыш кундемыш фольклор-этнографий материалым погаш миен коштыныт.
Тушто нуно илыш йӱла дене кылдалтше ятыр аверым верештыныт. Тидланже ял калыклан таум ыштат, молан манаш гын, поснак илалшырак-шамыч шке сурт-оралте коклаште аралалт кодшо ыштыш-кучышыштым кумылын пуэн колтеныт. Рӱдерын еҥже-влак Анастасия Ивановна Алексеева ден Алексей Степанович Макаровлан поснак тауштат. «Нуно мемнам пеш шокшын вашлийыныт, пӧлек шотеш тӱрлӧ арверым пуэныт да верысе калыкын илыш-йӱлаж нерген шуко палыдымым каласкаленыт», – ойлат рӱдер пашаеҥ-влак. Ончыкыжымат нуно республикысе ял еда тыгай экспедицийыш лектын кошташ шонат.
Снимкылаште: Чирки кундемыште.
Рӱдерын воткыл лалтыкше гыч налме фото-влак.
