2027 ийыште тӱзатышаш объект-влак верч йӱклымаш эрла, 12 июньышто, мучашлалтеш.
«Илашлан кӱлешан инфраструктур» нацпроектын «Оласе кумдыкым йӧнаным ыштымаш» федеральный проект почеш йӱклымашке 54 тӱжем утла еҥ ушнен.
Тачысе кечылан йӱклымаште эн шуко йӱкым погеныт:
* Йошкар-Оласе Никонов площадь (11838 еҥ).
* Волжск оласе йоча поликлинике воктенысе тротуар (1990 еҥ).
* Козьмодемьянск оласе йоча усталык пӧрт воктенысе коштмо кумдык (1382 еҥ).
* Звенигово оласе Охотников уремысе йолешке-влаклан тошкалтыш (534 еҥ).
Йӱклымашке чылаже 90 объектым лукмо. Келшыше кумдыкым zagorodsreda.gosuslugi.ru единый федеральный платформышто ойырен налаш лиеш
Михаил Скобелевын фотожо/ «Марий Эл» увер агентстве
