Марий Элыште йоча лагерь-влакым уэмдыме паша умбакыже шуйна.
Тиде кечылаште регионын образований да науко министрже Лариса Ревуцкая ола деч ӧрдыжтӧ верланыше «Радужный» йоча рӱдерыште у кочмыверым да медпунктым терген. Нуным «Йоча-влаклан канаш да тазалыкыштым пеҥгыдемдаш объект-шамычым 2030 ий марте уэмдымен олмыктымаш да вияҥдымаш» федеральный проект да «Единый Россий» партийын Калык программыже почеш тений капитально олмыктымо.
Кеҥеж жапыште «Радужный» рӱдерыште 1500 икшыве канаш тӱҥалеш.
Галина Кожевникова
Фотом Марий Эл Образований да науко министерствын соцкылысе лаштыкше гыч налме.
