Кужэҥер район Шӱдымарий ялыште Кугу Отечественный сарын (1941-1945) участникше-влаклан уэмдыме шарныктышым почыныт.
Тиде пашам верысе инициативылан полшышо программе почеш шуктеныт. Мемориал комплекс кумдыкышто специальный военный операцийыште боевой задачым шуктышыла вуйым пыштыше сарзе-влакын фотосӱретыштым вераҥдыман банер-влакым шогалтеныт.
Снимкыште: уэмдыме мемориал.
Фотом «Заря» райгазетын воткыл лаштыкше гыч налме.
