Марий Элысе школ-влак «Лица Героев» всероссийский проектыш чолган ушнат.
Мутлан, Морко кыдалаш школышто кумдан палыме полководец, легендыш савырныше политик Александр Невскийлан муралым торжественно почыныт. (Мурал – архитектур сооруженийын пырдыжышкыже монументальный живописьын видше).
Оршанке район Шулко ден Нужавлак школ-влакын пырдыжыштышт – палыме руш учёный Михаил Ломоносовын чурийжым сӱретлыме.
Патриотизм шӱлышан акцийым «Единая Россия» партий РФ Просвещений министерстве дене пырля эртара.
Г.Кожевникова
Фотом районысо образований пӧлкан соцкылысе лаштыкше гыч налме
