ПАТЫРЛЫК Сеҥымаш СПОРТ ТАЗАЛЫК Чолгалык ШИНЧЫМАШ КУГОРНЫШТО ШКОЛ ЙОЛГОРНО

Сеҥыше команде – Шем теҥыз воктеке

28 майыште тунемше-влак коклаште республик кÿкшытан черетан президент таҥасымаш иктешлалтын.

Тудо кок кече шуйнен. Икымше кечын ÿдыр-рвезе-влак многоборьеште вийым тергеныт гын, кокышо кечын творческий ден теорий конкурсыш ушненыт. Спортсмен-шамыч сценыште мастарлыкыштым ончыктеныт. Мутат уке, чылан тыршеныт, вет нуно тидлан ончылгоч ямдылалтыныт.

Ола ден посёлко гыч таҥасыше куд команде коклаште многоборьеште икымше верым Йошкар-Оласе 28-ше №-ан лицей, эстафетыште У Торъял гыч интернат школын командыже икымше верыш лектыныт. Творческий конкурсышто адакат  Йошкар-Оласе 28-ше №-ан лицей 1-ше, У Торъял гыч толшо ÿдыр-рвезе-влак 2-шо, Шернур посёлкысо 2-шо №-ан школ 3-шо лийыныт. Иктешлымаш: чемпион – 28-ше №-ан лицей .

Ял ден селаласе школлаште тунемше команде-влак коклаште икымше верыш ÿшанлын Волжский район гыч Пӧтъял кыдалаш школын тунемшыже-шамыч лектыныт. Абсолютный чемпионат лач тиде школ гычак Никита Алексеев. Тудо чылаже 318 баллым поген, а ÿдыр-влак коклаште икымше – ты школ гычак Яна Макарова, 2-шо Яна Тимофеева, 3-шо – Алёна Петрова.

Ший медальын призёржо – Советский район гыч  Ӱшнур школын командыже, а 3-шо верыш Кужэҥер район Йӱледур школын сборныйжо лектыныт.

Ӱдыр-рвезе-влакым сеҥымаш да тунемме идалык мучашке лишемме дене шокшын саламлена, весела канышым, тазалыкым тыланена. А ончыл верыш лекше Пӧтъял кыдалаш школын командыжлан Шем теҥыз воктене, Орлёнок олаште, всероссийский президент таҥасымаште Марий Элын чапшым кӱшнӧ кучаш тыланена.

Е.ЭШКИНИНА

Опубликовать в Одноклассники

Добавить комментарий