26 апрель гыч 12.gorodsreda.ru. единый федеральный платформышто илыме верлаште кумдыкым тӱзатышаш верч йӱклымаш тӱҥалын да вич арня, 30 май марте, шуйна. «Илыме вер да ола кумдык» национальный проектын «Оласе йырвелым йӧнаным ыштымаш» федерал проектыш чумыр Россий, Камчатка гыч Калинингард марте, ушнен. Ик сутка жапыште шочмо олаштын ончыкылыкышт верч 500 тӱжем еҥ йӱклен, Марий Элыште – 4 тӱжем утла еҥ, увертара республикысе Чоҥымо паша, архитектур да илыме вер да коммунал озанлык министерстве.
Йӱклаш моткоч куштылго. 12.gorodsreda.ru.ссылке дене единый платформыш пурыман але «Госуслуго» порталысе личный кабинетда гоч. Огыда мошто але нелылыкым шижыда гын, волонтёр-влакым полшаш йодса. Нунылан телефон номердам гына каласыман. Марий Элыште 190 волонтёр ты кӱлешан проектыште тыршаш шке кумылжым ончыктен.
Л.СЕМЕНОВА
