УВЕР ЙОГЫН

Кужэҥер районышто кок еҥ пораныште йомын коленыт

Шукерте огыл кундемыштына моткочак луман игече шогыш. Тудо ятыр еҥлан нелылыкым веле огыл луктын, эше ойгымат конден. 

Мутлан, Кужэҥер районышто лач нине кечылаште кок еҥ илыш дене чеверласен, палдара Россий следствий комитетын Марий Элысе управленийже.

Кызытеш рашемдыме почеш, 66 ияш ик ӱдырамаш ты районысо ялыш унала миен улмаш. Но аракам йӱмыж дене чотак руштмыжлан кӧра мӧҥгышкыжӧ корным муын кертын огыл да йомын. Эрден тудым лумышто колышым муыныт.

Вес ойго 60 ияш пӧръеҥ дене лийын. Тудыжо илыме шке поселкыштыжак ик пӧрт гыч весыш аракам йӱын коштын. Ты кечын пенсионер мӧҥгышкыжӧ тугак миен шуын огыл. Тудым лум ораште муыныт.  

Нине факт-влак шотышто следователь-шамыч тергымашым эртарат.

Л.Камалетдинова.

Опубликовать в Одноклассники

Добавить комментарий