Олан бюджетышкыже 
налог шукырак погынымылан утларак тӱткышым
10 апрельыште Марий Эл Республикым Вуйлатышын пашажым жаплан шуктышо Александр Евстифеев Марий Эл Республикын Кугыжаныш Погыныштыжо КПРФ-н фракцийжым вуйлатыше Геннадий Зубков да депутат, «Звениговский» шыл комбинат директор Иван Казанков, ЛДПР-ын фракцийжым вуйлатыше Евгений Ремнев дене каҥашен.
Тыгак тудо Россий Федерацийын Кугыжаныш Думыжын депутатше Сергей Казанков дене вашлийын.
А Йошкар-Олан мэрже Евгений Маслов республикын рӱдолаштыже паша кузе воранен толмо нерген каласкален. Александр Евстифеев олам йытырайыме шотышто чыла 21 виктарыше компаний дене пашам ышташ тӱҥалаш кӱштен. Мэрлан Сеҥымаш кечым пайремлаш,
йоча дене ийготыш шудымо-влакын кеҥеж канышыштым организоватлаш да йӱлашке пурышо Олан кечыжым эртараш ямдылалташ тӱҥалаш кӱштен. Олан кечыжым эртарыме программым тений республикын правительствыжын заседанийыштыже ончаш тӱҥалыт.
Жаплан республикым вуйлатышын пашажым шуктышо олан бюджетышкыже налогым погымо пашам пайдалынрак шуктымылан, оласе рекламе деч парышым шукырак налмылан тӱткышым ойырен.
Е.Садовин.
